kroppaland

Árið 2008

Sat, 11 Oct 2008 21:47:23 GMT

Jæja góðir landsmenn þá er komið að því að ég átti smá tíma aflögu til að blogga en það er komið tvö ár síðan ég hóf þá iðju. Það eru margir að segja að ég sé ekki að standa mig í þessu en því er ég ekki sammála því að ég hef bara ekki jafn mikinn frítíma og aðrir J

Það var þann 14.júlí sem við eiguðumst okkar annað barn og varð það gullfallegur drengur sem fékk nafnið Ísak Logi. Við erum alveg í skýjunum með peyjann og er hún Særún Lilja mjög stolt stóra systir og tekur þessu öllu mjög vel. Svo það er nóg að gera á þessu heimili því að við eigum helmingi fleiri börn núna en þegar ég bloggaði síðast.

Særún Lilja er nú að verða al-talandi og farin að klaga pabba sinn. Hún fór til mömmu sinnar og sagði henni að ég hafði gefið henni hrísmjólk upp í sófa og það er víst bannað, svo að maður verður að fara að passa sig á því hvað maður segir og gerir í kringum hana. Svo er Særún Lilja líka í stubbaakademíunni og hefur mjög gaman og gott af þeirri hreyfingu sem hún fær þar.

Ég tók að mér í sumar að vera aðstoðarþjálfari hjá Reyni í Sandgerði og varð það mjög lærdómsríkt en að sama skapi mjög sérstakt. Mannskepnan getur breyst í svo óteljandi myndir að ég hef aldrei séð annað eins. Árangurinn var ekki eins góður og vonast var eftir og var Bryngeir “aðalþjálfarinn” látin taka pokann sinn. Við hans starfi tók Elvar og endaði liðið í 7.sæti sem var fyrir neðan þær væntingar sem var lagt af stað með.

Sjáfur hætti ég þegar 3 leikir voru eftir vegna mikilla anna.

Það var ekki eins mikið ferðast þetta árið eins og þau síðustu. Engin sólarlandarferð var farin þetta árið sökum barnsburðar en ég skellti mér í helgarferð til Kölnar og var það mjög gaman. Vallý og Ísak Logi fóru í verslunarferð til usa og höfðu þau gaman af því, versluðu allar jólagjafir og klæddu fjölskylduna upp . En það er ekki þar með sagt að við höfum ekki ferðast neitt. Við fórum í sumarbústað um páskana með foreldrum mínum og Halldóru og co. Svo fórum við “stór” fjölskyldan í sumarbústað í Vaðnesi í ágúst. Það var geggað að komast aðeins í burtu og slaka á í sól og sumaril. Við rúntuðum á Gullfoss og Geysi og næsta nágrenni. Við fórum einnig á fiskidaginn mikla á Dalvík og það var flott þar, frítt að borða heila helgi það er ekki slæmt það. Súpan hjá Loga Bergmann var að vísu ekkert sérstök en vonandi að hann geri betur næst.

Svo vorum við aðeins að ditta að húsinu okkar, við léttum setja klæðningu á blískúrsgólfið og er bílskúrinn nú íbúðar hæfur. Svo far farið í það að setja holtagrjót og tré um alla lóð og erum við mjög sátt við útkomuna. Svo fór ég og tengdó út í það að smíða sólpall hér við húsið og erum við hálfnaðir við það verk. En því hefur verið slegið á frest um óákveðinn tíma sökum kreppunar. Talandi um kreppu.... sæl!!! allt farið fjandans til, Bretland komið á hliðina og Ísland orðin hriðjuverkaógn hehe það besta sem ég hef heyrt, Birni Bjarnasyni hefur líklega risið hold við þau tíðindi. En hæstvirtur forsetisráðherra bað mig og aðra landsmenn að vera ekki að taka miklar fjáhæðir út úr bönkunum að ástæðulausu, og biður fólk um að kaupa bara það allra nauðsynlegasta. Spara bensínið og svo framvegis en er svo sjálfur með einka bílstjóra og ég borga laun bílstjórans og bensínið á ráðherra bílinn og eru þeir báðir með miklu hærri laun en flest allir landsmenn. En maður eins og ég getur ekki tapað peningum því hann á þá ekki til.

Svo ætla ég að segja ykkur frá því að ég var með markmið um að verða helköttaður fyrir páska massaður í rusl og tanaður í drasl, ég ætlaði að verða það en þá skall á önnur meðganga hjá okkur svo að þá varð ekki úr því. Enn nú erum við að skríða saman og horfum björtum augum fram á veginn þrátt fyrir þrengingar í þjóðféglaginu.

Kær kveðja Steini.

Sama tíma að ári

Thu, 11 Oct 2007 17:57:54 GMT

Jæja góðir landsmenn þá er komið að því að ég átti smá tíma aflögu til að blogga en það er komið ár síðan ég hóf þá iðju og það eru margir að segja að ég sé ekki að standa mig í þessu en því er ég ekki sammála því að ég hef bara ekki jafn mikin frítíma og aðrir J En þetta ár byrjaði með látum því 1. jan eignuðumst við skötuhjúin litla stúlku sem heitir Særún Lilja og var það einstök upplifun að vera viðstaddur fæðinguna. Og að vera foreldri er það besta sem við vitum um tilfinningin er einstök og mæli ég með að þið sem lesið þetta og eigið ekki börn að fá ykkur eitt, það tekkur ekki langan tíma að búa það til J Þannig að nú á ég tvær stelpur það er að segja Vallý og Særúnu Lilju og fæ ég að hugsa um þær og elska allt mitt líf og það eru forréttindi að fá það TAKK elskurnar mínar fyrir að vera svona æðislegar.

Svo var það 17. mars sem við litla fjölskyldan fluttum inn í nýja húsið okkar sem við vorum búinn að bíða svo lengi eftir, en það var þess virði að bíða því hér líður okkur mjög vel og ætlum að rækta okkar garð. Svo keyptum við okkur líka nýjan bíll því að vagninn hennar Særúnar komst ekki í gamla bílinn. Svo gerðust önnur stór tíðindi um mitt sumar en þá fengum við okkur vespu og vá það var eins og allur heimurinn tæki við sér og fengi sér vespu því að þetta er komið út um allt við fórum til Tenerife sem er fínn staður og mæli ég með honnum fyrir alla nema rauðhærða stráka sem eiga ekki gott með að vera í sólbaði í 30 stiga hita á hverjum degi ekki slæmt það bara sveittur í 10 tíma á dag J nei nei þetta var geggjað gaman en þar voru allir á vespum og sögðu innfæddir eyjaskeggjar að þetta væri bara nýkomið þarna hjá þeim og væri einhvað trend frá íslandi svo maður spyr sig bara hvor að maður hafi verið upphafsmaðurinn af þessu öllu saman.

Á þessu ári erum við búinn að ferðast allveg svakalega mikið, ég er búinn að fara til Þýskalands Englands og Tenerife og Vallý og Særún er búnar að fara til Svíþjóðar og Tenerife svo ekki sé minnst á innanlands ferðalögin okkar en við erum búin að leggja af baki yfir 5000 km á þessum ferðalögum en það er alltaf jafn gaman að koma til foreldra minna og systkina sem búa út á landi ( líka til þín Halldóra ) hún býr í rek verst að það er ófært þangað 9 mánuði á ári svo að við hittumst ekki nægilega oft. Svo á Vallý ömmu á Vopnafirði sem við fórum til tvisvar í sumar en það er sama sagan þar bara hægt að fara þangað yfir há sumarið sökum veðurofsa.

Svo er það boltinn maður, en á vor dögum fór ég í stjórn víðis í garði og vorum við þrír ungir og ferskir strákar sem komum inn í stjórnina og sögðum að fólk yrði strax vart við breytingar og vitir menn, á okkar fyrsta tímabili fór liðið upp um deild og spilaði ég einn leik sem fór 18-0 fyrir okkur og er það félagsmet og skoraði ég 2 mörk svo það má með sanni segja að allt sem maður kemur nálagt verður að gulli J

Svo ætla ég að segja ykkur frá því að ég er með markmið um að verða helköttaður fyrir páska massaður í rusl og tanaður í drasl jjjjjááááá fínt já sæll já fínt já sæll já fínt já sæll.

Kveð að sinni og guð einn veit hvenær mér gefst aftur 5-10 mín til að blogga..

Jæja þá

Wed, 11 Oct 2006 17:07:38 GMT

Mér hefur langað að prufa þetta í smá tíma að blogga en út af því að ég er svo lélegur í stafsetningu þá hef ég aldrei þorað því. En núna er ég búinn að blása mér eldmóð í brjóst og hef hafist handa við fyrsta bloggið mitt.;)

Af mér og minni spúsu er allt gott að frétta, við eigum von á okkar fyrsta barni 23.des næst komandi og erum við rosalega spennt.

Við erum líka að byggja hús sem hefur reynst þrautin þyngri því að við erum búin að bíða og bíða og bíða eftir því síðan ég veit ekki hvenær. En það er nú komið á klakann og byrjað að reysa það. En þá kemur í ljós að hurðirnar eru of litlar urrrgg getur ekki einhver annar en ég lent í því að fá hús með of litlum hurðum?? Einhver sem er ekki búinn að vera að bíða síðan í maí eftir húsi, nei nei það vorum við sem lentum í því, það á ekki af okkur að ganga í þessu húsa rugli, það þarf líka aða brjóta upp plötuna sem er búið að steypa því að það var vitlaust gert, oh ekki halda að ég hafi gert það vitlaust nei nei ég klikka ekki á smáatriðum, það voru verktakar hér í bæ sem gerðu það, en þetta fer nú vonandi allt að smella svo að við getum farið að vinna í þessu sjálf og komið okkur inn fyrir jól. Því að ég er ekkert rosalega spenntur fyrir því að vera með barið okkar í bílskúr, við búum nebbla í einum slíkum, ekki það að það fari einhvað illa um okkur alls ekki, það er sko bara eitt slæmt við að búa hjá tengdó og það er að maður þyngist svo mikið og ég held að það sé bara út af því hvað það er alltaf gott í matinn hér. Ég læt þetta duga í bili og kveð að sinni.